Psalms 128

Poia to Maaron pale iza to yes to timatughez pani

Mbouŋ to yes to tizala Yerusalem pa suŋuuŋ

1Yes to timatughez pa Yoova ve titaghon ataam toni, poia to Yoova pale iza todi ve tinidi iza. ^a

2Ighaze ugham tovene, nene pale poia to Yoova iza tiom, ve uneep poia toman tinim iza.
Uraat to ughami pa nimam, pale ughita anoŋa, ve am aniiŋ ve lem mbeb katindi.

3Ve azuwam to iŋgin ruum tiom, pale ipoop ndinatum katindi, inimale ai vaen to anoŋa ivot katindi.
Tovenen sawa to yamŋa ndinatum alup gham pa ghanghaniiŋ, yes pale tineep luvutin ghom, tinimale ai oliv matasupu to titub luvutin pughu.

4Tovenen tamtoghon to ighaze imatughez pa Yoova ve itaghon ŋgar toni, poia to Yoova pale iza toni tovene.
5Yoova inepneep izi ndug Zion. Ye pale ighur poia toni iza tiom.
Ve sawa isob to uneep izi taan, yom pale ughita Yerusalem ineep pooi.

6Ve yom pale uneep mala izi taan, le ughita nditimbum.
Yoova pale igham yes Israela tineep pooi toman lolodi luuma. Onoon.